Pasiwyd gan: Y Senedd
Pasiwyd ar: 30/10/2023
Statws: Cyflawn
Swyddog sy'n gyfrifol: Llywydd yr Undeb
Crynodeb
A ddylai UMAber sefydlu rôl Swyddog Gwirfoddol Traws+ fel un o’r Swyddogion Rhyddid?
Manylion
Galwyd Aberystwyth yn brifddinas hoyw Cymru. Yng nghyfrifiad 2021, Ceredigion sydd â’r ganran uchaf o bobl o dan 16 sy’n nodi hunaniaeth rhyweddol gwahanol i’r un a roddwyd iddynt ar enedigaeth (0.23%), dyma’r ganran uchaf mewn awdurdod lleol yng Nghymru a’r pumed uchaf yn y DU. Fodd bynnag, er bod rhyddid i bobl Draws+ yn cael ei gynrychioli gan y Swyddog LHDTC+, mae’n gofyn am dactegau ac ystyriaethau ar wahân neu’n ychwanegol i’r rhai sydd gan fudiad LHDTC+ ehangach. Er enghraifft, mae myfyrwyr traws+ yn wynebu anawsterau wrth geisio defnyddio gofal iechyd, cyfleusterau toiled, a gwybodaeth iechyd a diogelwch sy’n gynhwysol i bobl draws o gymharu â hunaniaethau rhamantus a rhywiol LHDTC+ na fydd yn profi’r un rhwystrau. Mae hyn o bryder dybryd yn sgil y tueddiad poblogaidd diweddar o ladd ar hawliau traws. Byddai sefydlu Swyddog Gwirfoddol Traws+ yn rôl etholedig i barhau â’r gwaith rhyddid traws+ ni waeth beth fydd hunaniaeth a buddion y Swyddog LHDTC+, gan gynnal y polisi yn yr Undeb o blaid rhyddid traws+ a LDHTC+ yn gyffredinol ar yr un pryd. Ar hyn o bryd, mae yna ddau Swyddog Gwirfoddol LDHTC+ a etholwyd ar y cyd. Gan y cynhaliwyd Etholiadau’r Hydref ar gyfer pwyllgor y Swyddogion Gwirfoddol 2023-24, os caiff y syniad hwn ei basio, byddai un o’r Swyddogion Gwirfoddol LDHTC+ presennol yn cymryd rôl y Swyddog Gwirfoddol Traws+ ar gyfer 2023-24, gan y Swyddogion hyn eisoes yn rhannu cyfrifoldebau yn ôl yr anghenion hyn ers y flwyddyn academaidd 2022-23.
Cyflwynwyd gan: Dax Aziraphale FitzMedrud
Diweddariadau
Mae croeso i chi gysylltu â ni os oes ddiddordeb mewn dysgu mwy ynghylch y polisi hwn.