Swyddi Gwag

LLYWYDD UNDEB

Ydych chi'n fyfyriwr/wraig ar fin graddio neu'n ystyried cymryd blwyddyn allan o'ch astudiaethau. Beth am redeg i fod yn Swyddog Llawn Amser Undeb Aberywtyth. Cynrychioli 8000 o fyfyrwyr yn Aberystwyth a’r holl fyfyrwyr yn genedlaethol ac yn gweithio i dîm gwaith cynhwysol sy’n addasu’n barhaus. Gweithio mewn rôl hyblyg lle gallwch lywio ei chyfeiriad a chael profiad anhygoel ar gyfer beth bynnag yr hoffech ei ddilyn yn eich gyrfa yn y dyfodol.

Y rôl:

Y Llywydd yw llais cyhoeddus Undeb y Myfyrwyr a myfyrwyr Aberystwyth. Maen nhw'n gweithio gyda'r tîm Swyddogion llawn-amser drwy adolygu materion allweddol myfyrwyr yn rheolaidd, yn ogystal â sicrhau bod ymgyrchoedd cynrychioli a gwleidyddol yn cydweddu ag anghenion myfyrwyr ym Mhrifysgol Aberystwyth.

Nhw yw prif gynrychiolydd myfyrwyr Prifysgol Aberystwyth, gan eistedd ar wahanol uwch bwyllgorau a chyfarfod ag unigolion allweddol yn rheolaidd i sicrhau perthynas gref rhwng yr Undeb, y Brifysgol a'r gymuned yn ehangach. Hefyd, nhw sy'n gyfrifol am sicrhau bod yr Undeb yn cael ei gynrychioli ar lefel genedlaethol, drwy weithredu fel prif bwynt cyswllt ar gyfer UCM ac UCM Cymru.

Fel Cadeirydd Bwrdd yr Ymddiriedolwyr, bydd yn gweithio'n agos â Phrif

Weithredwr yr Undeb i sicrhau bod amcanion strategol yr Undeb yn cael eu gweithredu, bod polisïau'n cael eu cynnal a bod penderfyniadau'n cael eu gwneud sy'n adlewyrchu gwerthoedd yr aelodau. Yn olaf, nhw yw wyneb cyhoeddus Undeb y Myfyrwyr ac mae'n gyfrifol am gyhoeddi datganiadau i'r wasg, cynnal cyfweliadau ac ymateb i unrhyw gwynion ac adborth gan aelodau. Mae'r rôl yn un heriol a buddiol ac mae pob diwrnod yn wahanol.

Oriau: 35

Cyflog: £23,400 yn unol a’r Cyflog Byw

Ar gyfer y rôl hon, bydd angen i chi sefyll yn Etholiadau Undeb Aberywtyth. Bydd sesiwn Briffio Ymgeiswyr ar 19eg Chwefror gyda phopeth sydd angen i chi ei wybod. Beth am fynychu ein Sesiynau Gwybodaeth Etholiad UM: i gael y cyngor gorau ar Ymgyrch Etholiad. Darganfod mwy yma.

Sefyll: 27ain Ionawr – 24eg Chwefror am 12:00.

Yr Wythnos Bleidleisio: 10:00 17eg Mawrth – 12:00 21fed Mawrth.

Canlyniadau: 18:00 21fed Mawrth ym Mhrif Ystafell yr UM.

Am fwy o wybodaeth, e-bostiwch: studentunionelections@aber.ac.uk

DIWYLLIANT CYMREIG A UMCA

Ydych chi'n fyfyriwr/wraig ar fin graddio neu'n ystyried cymryd blwyddyn allan o'ch astudiaethau. Beth am redeg i fod yn Swyddog Llawn Amser Undeb Aberywtyth. Cynrychioli 8000 o fyfyrwyr

yn Aberystwyth a’r holl fyfyrwyr yn genedlaethol ac yn gweithio i dîm gwaith cynhwysol sy’n addasu’n barhaus. Gweithio mewn rôl hyblyg lle gallwch lywio ei chyfeiriad a chael profiad anhygoel ar gyfer beth bynnag yr hoffech ei ddilyn yn eich gyrfa yn y dyfodol.

Y rôl:

Y Swyddog Diwylliant Cymreig a Llywydd UMCA yw llais myfyrwyr ar ran diwylliant Cymreig a myfyrwyr Cymraeg eu hiaith yn Aberystwyth. Maen nhw'n sicrhau bod diwylliant Cymreig a'r iaith Gymraeg yn cael eu cynrychioli ym Mhrifysgol Aberystwyth. Maen nhw'n cyfarfod yn rheolaidd ag unigolion allweddol ac adrannau perthnasol i hyrwyddo anghenion siaradwyr a dysgwyr Cymraeg.

Mae hyn yn cynnwys cydlynu ystod o ddigwyddiadau, gweithgareddau ac ymgyrchoedd, er mwyn sicrhau bod buddiannau siaradwyr Cymraeg yn cael sylw ac yn cael eu hybu. Mae digon i'w wneud yn y rôl hon drwy'r amser, o drefnu gwersi Cymraeg, ymgyrchu a hyrwyddo'r iaith, i sicrhau bod polisïau dwyieithrwydd yn gyfoes.

Fel Llywydd UMCA, mae disgwyl i chi amddiffyn ac ymgyrchu dros hawliau myfyrwyr Cymraeg eu hiaith a dysgwyr yn y Brifysgol, yn ogystal ag arwain llawer o ddigwyddiadau rheolaidd UMCA a gynhelir gydol y flwyddyn, o Wythnos y Glas i Wythnos Nefi Blw.

Oriau: 35

Cyflog: £23,400 yn unol a’r Cyflog Byw

Sefyll: 27ain Ionawr – 24eg Chwefror am 12:00.

Yr Wythnos Bleidleisio: 10:00 17eg Mawrth – 12:00 21fed Mawrth.

Canlyniadau: 18:00 21fed Mawrth ym Mhrif Ystafell yr UM.

Am fwy o wybodaeth, e-bostiwch: studentunionelections@aber.ac.uk

MATERION ACADEMAIDD

Y rôl:

Y Swyddog Materion Academaidd yw llais myfyrwyr ar gyfer pob mater academaidd. Maen nhw'n sicrhau cynrychiolaeth myfyrwyr ar faterion sy'n perthyn i astudiaethau academaidd, gan gynnwys buddiannau myfyrwyr rhyngwladol ac ôl-radd; hefyd meysydd megis ehangu cyfranogiad, asesu ac adborth neu

ddysgu ac addysgu. Maen nhw'n cysylltu'n rheolaidd â Chynrychiolwyr Academaidd a Chynrychiolwyr Athrofa, boed hynny'n wyneb yn wyneb, drwy e-bost neu ar gyfryngau cymdeithasol, er mwyn deall barn ac anghenion myfyrwyr yn well.

Gan weithio gyda staff, maen nhw'n helpu i gydlynu amryw o ddigwyddiadau, gweithgareddau ac ymgyrchoedd a fwriadwyd i ennyn diddordeb myfyrwyr yn eu profiad academaidd a'u gwella. Mae rhai enghreifftiau o hyn yn cynnwys cadeirio'r Parth Academaidd, adolygu hyfforddiant y Cynrychiolwyr Academaidd, trefnu Gwobrau Dysgu UMAber, chwilio am dîm University Challenge, ac yn bwysicaf oll, lobïo'r Brifysgol i newid pethau maen nhw'n meddwl sy'n bwysig i fyfyrwyr.

Yn olaf, mae ganddo/i rôl yn strwythurau rheolaeth y Brifysgol ac mae'n eistedd ar amryw o bwyllgorau ac yn cyfarfod ag unigolion allweddol ac adrannau perthnasol i hyrwyddo'r profiad academaidd.

Oriau: 35

Cyflog: £23,400 yn unol a’r Cyflog Byw

Sefyll: 27ain Ionawr – 24eg Chwefror am 12:00.

Yr Wythnos Bleidleisio: 10:00 17eg Mawrth – 12:00 21fed Mawrth.

Canlyniadau: 18:00 21fed Mawrth ym Mhrif Ystafell yr UM.

Am fwy o wybodaeth, e-bostiwch: studentunionelections@aber.ac.uk

LLESIANT

Y rôl:

Y Swyddog Llesiant Myfyrwyr yw'r llais ar gyfer llesiant a rhyddhad myfyrwyr. Maen nhw'n sicrhau cynrychiolaeth ar faterion sy'n perthyn i lesiant myfyrwyr, gan gynnwys cymorth i fyfyrwyr, lles, cydraddoldeb ac amrywioldeb. Mae'r rôl yn ymdrin ag ystod eang o faterion, gan gynnwys llety a chymorth ariannol, yn ogystal ag iechyd meddwl a chorfforol. Byddan nhw'n datblygu rhwydwaith o gysylltiadau rheolaidd, gan gynnwys y swyddogion rhan-amser, cymdeithasau a chysylltiadau allweddol yn y Brifysgol ac yn y gymuned leol.

Gan weithio gyda staff, mae'n helpu i gydlynu amryw o ddigwyddiadau, gweithgareddau ac ymgyrchoedd a fwriadwyd i sicrhau bod myfyrwyr yn cael cymorth yn ystod eu hastudiaethau wrth wella'u llesiant. Mae rhai enghreifftiau o hyn yn cynnwys cadeirio'r Parth Llesiant, helpu i drefnu Ffair Dai a Llety'r Undeb, cynrychioli buddiannau myfyrwyr i wahanol grwpiau, o'r bwrdd iechyd lleol i'r Cynulliad Cenedlaethol, ac yn bwysicach oll, lobïo'r Brifysgol i newid pethau mae'n credu sy'n bwysig i fyfyrwyr.

Yn olaf, maen nhw'n cyfarfod yn rheolaidd ag unigolion allweddol, adrannau perthnasol a chymdeithasau cymunedol i hybu datblygiad llesiant myfyrwyr ymhellach.

Oriau: 35

Cyflog: £23,400 yn unol a’r Cyflog Byw

Sefyll: 27ain Ionawr – 24eg Chwefror am 12:00.

Yr Wythnos Bleidleisio: 10:00 17eg Mawrth – 12:00 21fed Mawrth.

Canlyniadau: 18:00 21fed Mawrth ym Mhrif Ystafell yr UM.

Am fwy o wybodaeth, e-bostiwch: studentunionelections@aber.ac.uk

CYFLEOEDD MYFYRWYR

Y rôl:

Y Swyddog Cyfleoedd Myfyrwyr yw llais myfyrwyr ar gyfer chwaraeon, cymdeithasau a chyfleoedd gwirfoddoli. Maen nhw'n sicrhau cynrychiolaeth myfyrwyr ar faterion sy'n ymwneud â chwaraeon, cymdeithasau, gwirfoddoli a chyflogadwyedd o fewn Undeb y Myfyrwyr a'r Brifysgol. Maen nhw'n cysylltu'n rheolaidd â phwyllgorau'r clybiau a chymdeithasau, boed hynny'n wyneb yn wyneb, drwy e-bost neu ar gyfryngau cymdeithasol, er mwyn deall barn ac anghenion myfyrwyr yn well.

Gan weithio gyda staff, maen nhw'n helpu i gydlynu ystod o ddigwyddiadau, gweithgareddau ac ymgyrchoedd a fwriadwyd i gynyddu cyfranogiad a sicrhau eu bod yn weithgareddau ffyniannus dan arweiniad myfyrwyr yn yr Undeb. Mae enghreifftiau o hyn yn cynnwys cadeirio'r Parthau Chwaraeon a Chymdeithasau, helpu i gynnal Wythnos RhagLas, Mis RAG, y Rhyngolgampau, Superteams a Rygbi 7 Bob Ochr Aber.

Yn olaf, maen nhw'n cyfarfod yn rheolaidd ag unigolion allweddol ac adrannau perthnasol i hybu datblygiad clybiau, cymdeithasau, gwirfoddoli a chyflogadwyedd myfyrwyr ym Mhrifysgol Aberystwyth.

Oriau: 35

Cyflog: £23,400 yn unol a’r Cyflog Byw

Sefyll: 27ain Ionawr – 24eg Chwefror am 12:00.

Yr Wythnos Bleidleisio: 10:00 17eg Mawrth – 12:00 21fed Mawrth.

Canlyniadau: 18:00 21fed Mawrth ym Mhrif Ystafell yr UM.

Am fwy o wybodaeth, e-bostiwch: studentunionelections@aber.ac.uk

Swyddogion Gwirfoddol

Gall gwirfoddoli gynnig opsiwn amgen gwerthfawr i swyddi arferol, gan roi cyfle profiad ymarferol a fydd yn dy wneud yn fwy deniadol i gyflogwyr, ond hefyd gan gynnig y cyfle i fagu amryw o sgiliau a gwybodaeth wrth gefnogi eraill a’r amgylchedd.

Mae gan bob Swyddog Gwirfoddol gyfrifoldeb penodol, a gall rhai ohonynt gynrychioli grwpiau penodol o fyfyrwyr. Felly, dim ond myfyrwyr sy'n hunan-

ddiffinio i'r grwpiau penodol hynny gaiff sefyll neu bleidleisio ar gyfer y swyddi hyn. Er enghraifft, dim ond rhywun sy'n hunan-ddiffinio fel myfyriwr anabl gaiff sefyll neu bleidleisio ar gyfer rôl Swyddog Myfyrwyr Anabl.

Rolau gwirfoddol yw'r rhain a bydd yr ymgeiswyr llwyddiannus yn cyflawni'r rôl ynghyd â'u hastudiaethau. Darperir hyfforddiant i bob swyddog etholedig, ynghyd â chymorth ac arweiniad i gyflawni'r rôl a throi eu hamcanion yn realiti.

Y rôl:

Cadeirydd yr undeb
Swyddog yr iaith gymraeg
Swyddog yr amgylchedd a chynaladwyedd
Swyddog y myfyrwyr lhdtc+
Swyddog y menywod
Swyddog y myfyrwyr anabl
Swyddog y myfyrwyr croenddu, asiaidd a lleiafrifoedd ethnig
Swyddog y myfyrwyr rhyngwladol
Swyddog myfyrwyr annibynnol
Swyddog y myfyrwyr hyn
Swyddog y myfyrwyr ôl-raddedig
Swyddog myfyrwyr traws ac o rywedd anghydffurfiol
Cyfadran y Dyniaethau Swyddogion
Cyfadran y Gwyddorau Swyddogion

Dysgwch fwy am y rolau hyn yma.

Rydym yn chwilio am unigolion brwdfrydig a deinamig i ymuno â'r tîm!

Dyma adeg gyffrous i ymuno ag undeb myfyrwyr uchelgeisiol, llawn hwyl ac i ddod yn rhan o'n teulu cyfeillgar yn Undeb Aberystwyth. Rydym yn gweithio er mwyn sicrhau bod myfyrwyr Aber yn caru bywyd myfyrwyr ac rydym wedi ennill nifer o wobrau fel sefydliad::

Sêr Ymgysylltu â Staff UCM 2023 (o ran bodlondeb staff)
Enillydd Bywyd Myfyrwyr Gwobrau Dewis Myfyrwyr What Uni 2023
Rhagoriaeth yn adroddiad SOS yr Effaith Werdd 2023
42% o'n myfyrwyr wedi pleidleisio yn ein prif etholiadau
Cydnabyddiaeth gan yr UCM am ein hymgyrch costau byw, ymgyrch iechyd rhywiol a digwyddiadau denu diddordeb myfyrwyr – 2022
Enillydd Aelod Staff ac Ymgyrch y flwyddyn UCM Cymru 2022
Enillwyd statws Cyflogwr Blaenllaw gyda Chwarae Teg, yn ogystal â chyrraedd rownd derfynol Hyrwyddwr Cydraddoldeb Rhywedd 2020
Gwobr Cyfleoedd i Fyfyrwyr UCM Cymru 2018
Gwobr UCM 2018 Enillydd Gwobr y Pobl
wedi'i gwblhau'n llwyddiannus UCM Ansawdd Undebau Myfyrwyr yn 2019 ac enillwyd canlyniadau rhagorol a da iawn.
Rydym wedi arwyddo’r Siarter Cyflogaeth Feddylgar a’r Côd Gwallt Eurgylch

Rydym yn cynnig gwyliau hael, gweithio oriau hyblyg, a rhaglen cymorth iweithwyr, gyda llawer o gyfleoedd i ddatblygu a dysgu, cyfleoedd i fynychu cynhadleddau a chwilio am yr arfer gorau ac yn hybu llesiant y staff trwy eu galluogi i ddefnyddio 2 awr yr wythnos o amser gwaith ar gyfer gweithgareddau llesiant.

I ymgeisio am unrhyw un o'r rolau isod, cwblhewch ac anfonwch ffurflen gais at ceostaff@aber.ac.uk erbyn y dyddiadau cau isod.

Diogelu data: Gweler ein Hysbysiad Preifatrwydd Ymgeisydd Swydd yma

CYFLEOEDD GWIRFODDOL

Ai myfyriwr/wraig presennol wyt ti? Os nad oes gennym ni swyddi gwag ar hyn o bryd na rôl benodol nad yw’n taro, mae yna opsiynau eraill i’w hystyried.

Dyn ni hefyd yn awgrymu manteisio ar Wasanaeth Gyrfaoedd y Brifysgol. Maent yn gallu helpu meithrin dy sgiliau ymgeisio am swyddi, ysgrifennu CV, paratoi ar gyfer cyflwyniadau a chyfweliadau a chyngor cyffredin ar y broses recriwtio.

PAM GWEITHIO GYDA NI?

Yn ein Arolwg Ymgysylltiad Staff (a wnaed gan gwmni annibynnol allanol):

Dywedodd 100% o’r staff y byddent yn awgrymu’r sefydliad hwn fel lle da I weithio
Dywedodd 100% o’r staff fod eu rheolwr/wraig yn ymddiried ynddynt ac yn eu parchu.
Dywedodd 100% eu bod yn deall prif flaenoriaethau Undeb y Myfyrwyr a thrywydd y sefydliad
Dywedodd 100% o’r staff fpd Undeb y Myfyrwyr yn edrych ar ôl ein staff

Mae ein gweithle yn hyrwyddo’r hawl i’n staff gofleidio pob steil gwallt Affro. Rydym yn cydnabod bod gwallt Affro-wead yn rhan bwysig o hunaniaeth hiliol, ethnig, diwylliannol, a chrefyddol ein staff Du, ac mae angen ei steilio’n benodol ar gyfer iechyd gwallt ac i’w gynnal.

Rydym yn dathlu gwallt Affro-wead a wisgir ym ymhob steil gan gynnwys, ond heb ei gyfyngu i, affros, locs (dreadlocks), gwallt wedi’i blygu (twists), plethau, cornrows, gwallt wedi’i raddoli (fades), gwallt wedi’i sythu drwy ddefnyddio gwres neu gemegau, gweadau, wigiau, sgarffiau pen, a phenwisgoedd Affro (Afro head wraps).

Yn y gweithle hwn, rydym yn cydnabod ac yn dathlu hunaniaethau ein cydweithwyr. Rydym yn gymuned sydd yn seiliedig ar ethos o gydraddoldeb a pharch lle nad yw gwead na steil gwallt yn effeithio ar allu staff i lwyddo.