Proffiliau Rolau Pwyllgor: Ysgrifennydd

Mae gan bob clwb a chymdeithas dri aelod craidd o'r pwyllgor: Llywydd, Ysgrifennydd a Thrysorydd. Yma gallwch ddarganfod mwy o wybodaeth am yr hyn y mae'n ei olygu i fod yn Ysgrifennydd grwp myfyrwyr…

Rôl: Ysgrifennydd
Enwau amgen: Weithiau cyfunir rôl Ysgrifennydd ac Is-lywydd
Ymrwymiad / Hyd y Swydd: Swydd etholedig am hyd at un flwyddyn academaidd
Profiad blaenorol sydd ei angen: Dim o gwbl; caiff pob hyfforddiant ei ddarparu.

Diben y rôl

Rôl ysgrifennydd yw trefnu cyfarfodydd, digwyddiadau, a phob agwedd ar gyfathrebu sy'n ymwneud â'r gymdeithas/clwb. Chi yw'r prif gyswllt ar gyfer derbyn ac anfon manylion gweinyddol ar gyfer yr holl ddigwyddiadau o ran aelodau a mudiadau allanol. Mae hyn yn cynnwys UMAber.

Cyfrifoldebau cyffredin

• Cymryd cofnodion yn yr holl gyfarfodydd, gan gynnwys y CCB
• Cynnal cyfathrebiadau gweinyddol rhwng UMAber a’r aelodau
• Cymryd rôl arweiniol wrth archebu ystafelloedd neu gyfleusterau
• Goruchwylio cyfrif e-bost y clwb/cymdeithas
• Mynychu sesiwn sefydlu ac unrhyw hyfforddiant ychwanegol a ddarperir gan yr UM.
• Cynnal dogfennau craidd y clwb/cymdeithas a’u gwneud yn hygyrch
• Yn achos clybiau/cymdeithasau sy'n ymaelodi â chorff allanol (e.e. Corff Llywodraethu Cenedlaethol neu elusen gysylltiedig) gallent hefyd fod y prif gyswllt rhwng y grwp a'r corff hwnnw.

Sut fydd hyn o fantais i chi

Dyma'ch cyfle i gyflawni rôl flaenllaw mewn Clwb neu Gymdeithas sy’n golygu llawer i chi, i helpu i'w ddatblygu i sicrhau ei fod y gorau y gall fod. Wrth wneud hyn byddwch yn cael cwrdd a gweithio gyda myfyrwyr eraill o'r un anian, yn ogystal â datblygu eich sgiliau, gwybodaeth a chyflogadwyedd cyffredinol eich hun, yn ogystal â'ch aelodau, trwy amrywiaeth o gyfleoedd.

Yn sgil bod yn aelod o'r pwyllgor, byddwch hefyd yn ennill cydnabyddiaeth am eich oriau gwirfoddoli a’ch sgiliau trwy weithio tuag at Wobr Aber. Byddwch hefyd yn cael cyfle i gael eich enwebu am wobr fel rhan o'r Gwobrau Chwaraeon neu Gymdeithasau.

Pam rydyn ni eich eisiau CHI?

Rydyn ni am i fyfyrwyr Aber garu bywyd myfyrwyr a bod yn barod am unrhyw beth. Er mwyn cyflawni hyn, rydym yn addo’ch darparu â chyfleoedd i ddod o hyd i'ch Cymuned Aber, eich cynorthwyo i fod yn hapus ac yn iach, a helpu i dyfu eich sgiliau a'ch profiadau. Mae Tîm Aber yn cwmpasu cymaint o hyn, felly os ydych chi'n angerddol am eich Clwb/Cymdeithas, rydyn ni am weithio gyda chi i wireddu'r weledigaeth hon. Does dim ffordd well o wneud hyn na chael eich ethol i bwyllgor. Trwy ddod yn aelod o bwyllgor, byddwch wedi'ch ethol fel y person gorau i gyflawni'r rôl o'ch dewis.

Oes gennych chi unrhyw gwestiynau?

Cysylltwch ag aelod o'r Tîm Cyfleoedd:
Cydlynydd Datblygu Cymdeithasau - Tom (thm35@aber.ac.uk)
Cydlynydd Chwaraeon - Emily (ems47@aber.ac.uk)