#GrymusoAber

Yn 2024 enillom wobr Cydnabyddiaeth UCM Cymru am ein gwaith Grymuso Aber!

Diddordeb mewn cymryd rhan fel grŵp myfyrwyr neu unigolyn? Mae modd i chi gymryd rhan gan gynnal digwyddiad, codi arian, a llawer mwy. Cysylltwch â’ch Swyddog Cyfleoedd i ddechrau arni, a gwnaiff yr Undeb helpu hyrwyddo eich gweithgarwch!

Ymgyrch i ysbrydoli menywod a myfyrwyr o rywedd anghydffurfiol Prifysgol Aberystwyth i fod y gorau posibl mewn chwaraeon, cymdeithasau a bywyd academaidd yw #GrymusoAber.

Er mwyn i’r ymgyrch ddigwydd ar y cyd â Mis Hanes Menywod, rydyn ni wedi’i symud i fis Mawrth, a thema eleni yw ‘Menywod sy’n dadlau dros Degwch, Amrywioldeb, a Chynwysoldeb’.

Yn ystod mis #GrymusoAber, byddwn yn annog i gymuned fyfyrwyr Aber roi cynnig ar bethau newydd a gadael eu cylch cysur, boed trwy dreial chwaraeon newydd neu gymryd rhan mewn gweithgareddau cymdeithasau/academaidd a allai fod o ddiddordeb iddynt.

Rydyn ni’n lansio’r ymgyrch i fyfyrwyr Aberystwyth i ddangos na ddylai eu hofn o gael eu barnu eu rhwystro rhag cymryd rhan mewn unrhyw weithgaredd. Ar ben hyn, credwn ni y dylai myfyrwyr menywaidd ac o rywedd anghydffurfiol fod â chyfle teg a chyfartal ymhob sector o waith a gweithgaredd hamddenol.

Rydyn ni wedi creu’r ymgyrch hon oherwydd ein bod ni eisiau tynnu sylw at feysydd lle bo anghyfartaledd rhwng niferoedd dynion, menywod a’r rheini o rywedd anghydffurfiol sef perchen a rheoli busnesau neu gael swyddi yn y diwydiant Gwyddoniaeth, Technoleg, Peirianneg, a Mathemateg.

Ein gobaith yw bod y mis hwn yn dangos bod croeso i fenywod a myfyrwyr o rywedd anghydffurfiol yn yr holl feysydd hyn trwy eu hannog a’u grymuso fel y byddant yn mynd amdani. Cadwch olwg ar ein gwefan a sianeli ein cyfryngau cymdeithasol yn nes at yr amser i weld calendr ein digwyddiadau a’n cyfleoedd yn ystod yr wythnos!

2024 Atgofion