Delio â datgeliadau o ymosodiad rhywiol

Trosedd grym a rheolaeth yw ymosod rhywiol. Y peth pwysicaf yw ymateb mewn ffordd sy'n gwneud y gorau o'u dewis a rhoi rheolaeth iddynt dros yr hyn fydd yn digwydd nesaf. Cewch holi ynglyn â'r hyn sydd ei angen neu ei eisiau arnynt. Efallai na fyddan nhw'n gwneud yr un penderfyniad y byddech chi'n ei wneud; fodd bynnag, dim ond nhw all benderfynu ar yr hyn sydd orau iddynt. Gallwch chi eu helpu i ymchwilio i'r opsiynau, ond osgowch ddweud wrthyn nhw beth ddylen nhw ei wneud.

Cofiwch

Efallai na fyddan nhw am dynnu sylw'r heddlu neu'r Brifysgol i'r ymosodiad. Mae llawer o resymau pam gall rhywun ddewis peidio â rhoi gwybod am drais rhywiol.
Ym mwyafrif yr achosion o ymosodiad rhywiol, mae'r dioddefwr yn hysbys i'r troseddwr.
Mae'n bosib eu bod nhw'n pryderu na fydd pobl yn eu credu neu efallai na fyddan nhw'n cydnabod yr hyn ddigwyddodd fel ymosodiad rhywiol.
Mae'n bosib y byddan nhw'n poeni pwy arall allai gael gwybod.
Mae'n bosib eu bod nhw'n ofni neu'n ddryslyd am y system gyfiawnder troseddol neu'r hyn fydd yn digwydd os byddwch chi'n rhoi gwybod i'r Brifysgol.
Pe bai cyffuriau neu alcohol yn gysylltiedig, mae'n bosib y byddan nhw'n dewis peidio ag adrodd amdano gan eu bod nhw'n poeni y byddan nhw'n mynd i drafferthion hefyd.
Mae'n bwysig eu bod nhw'n penderfynu ar yr hyn maen nhw am ei ddatgelu ac i bwy. Gall eich cymorth eu helpu i siarad ynglyn â'u pryderon.
Rhowch wybod iddyn nhw eich bod chi'n eu credu ac yn cefnogi eu penderfyniadau.
Atgoffwch nhw nad oes gan neb, waeth beth fo'r berthynas, yr hawl i'w brifo a beth bynnag ddigwyddodd, nid eu bai nhw oedd hi.
Cysylltwch nhw â’r adnoddau all eu helpu nhw i ddeall yr hyn fydd yn digwydd os byddwch chi'n adrodd i'r heddlu neu'r Brifysgol.

Pethau i'w hosgoi

Dweud "nid eich bai chi yw hyn" (heb wrando ar stori'r goroeswr)
Defnyddio ymadroddion neu ddywediadau cyffredinol - e.e. "daw popeth yn well gydag amser"
Tyrchu am fanylion. Gadewch iddyn nhw ddweud wrthych am yr hyn a ddigwyddodd yn eu hamser eu hunain
Eu cyhuddo – e.e. "beth oeddech chi'n ei wisgo?" a "oeddech chi'n yfed?" neu "wnaethoch chi anfon neges destun iddyn nhw i ddod draw?"
Dangos siomedigaeth neu sioc
Crechwenu a dangos anghrediniaeth amlwg
"Pam wnaethoch chi ddim dweud yn syth? Pam ydych chi'n ond dod â’ch cwyn i’r amlwg nawr?"
Gwneud esgusodion – "dim ond tipyn o hwyl oedd e"