Fforwm

Bydd Fforwm llwyddiannus yn caniatáu i fyfyrwyr dynnu sylw at y materion sy'n fwyaf perthnasol iddynt mewn sefyllfa lawer mwy personol gydag amryw fynychwyr sy’n gallu:

• Rhoi’r diweddaraf i bawb ar eu cynlluniau a'u digwyddiadau
• Annog y swyddog llawn amser i weithredu ar fater
• Rhoi adborth ar syniadau rydych chi am eu cyflwyno i'r Cyngor
• Awgrymu geiriad a gwelliannau ar gyfer syniadau neu ymgyrchoedd
• Helpu i ddarparu ffeithiau a phrofiadau personol sy'n berthnasol i'r testun
• Canfod sut gallai gweithio ar syniad neu destun gael effaith gadarnhaol
• Dod o hyd i gyfleoedd i gydweithio ar broblemau ar y cyd
• Ateb cwestiynau

Mae pob Fforwm yn dilyn ffurf sylfaenol:

• Cyflwyniadau – eich croeso arferol, ymddiheuriadau a chyfle i dorri’r iâ;
• Adroddiad y swyddog - cewch wrando ar adroddiad swyddogol y swyddog llawn amser perthnasol a'i ddal i gyfrif
• Testunau trafod a gyflwynwyd – gall myfyrwyr gyflwyno testunau i’w trafod cyn pob Fforwm er mwyn sicrhau lle iddo ar yr agenda. Gall hyn fod yn unrhyw beth sy'n berthnasol i'r Fforwm!
• Unrhyw fater arall – cyfle i godi unrhyw beth, o destunau ychwanegol i ddiweddariadau neu gyhoeddiadau

O bryd i'w gilydd, byddwn ni’n gosod thema i’r Fforwm o gwmpas digwyddiad presennol neu fater pwysig neu’n defnyddio'r cyfarfod i wahodd siaradwyr ar gyfer sgyrsiau byr a sesiynau holi ac ateb.

Gallwch e-bostio'ch pwnc at y Cydlynydd Llais Myfyrwyr: llaisum@aber.ac.uk, neu gyflwyno syniad trwy ein ffurflen ar-lein yma.

Mae’r Fforymau yn arf pwysig mewn atebolrwydd ac anogir myfyrwyr i ofyn cwestiynau Swyddogion Llawn Amser am eu blaenoriaethau. Yn debyg i AS, mae eich Swyddogion wedi’u hethol i’ch cynrychioli chi ac felly mae arnynt gyfrifoldeb i sicrhau bod yr UM yn gweithio ar faterion o bwys i chi. Y Fforymau yw un o’r llefydd i hyrwyddo’r drafodaeth hon, ac mae myfyrwyr yn gallu dylanwadu’n uniongyrchol ar benderfyniadau a helpu i ffurfio prosiectau.

Mae atebolrwydd yn gydgyfrifoldeb, sydd ar ei fwyaf effeithiol pan fo’r Swyddogion Llawn Amser a’r myfyrwyr yn cymryd rhan yn y broses.

Cadeirydd: Swyddog Diwylliant Cymreig a Llywydd UMCA

Staff cynorthwyol:Cymorth a Chynrychiolaeth / Marchnata a Chyfathrebu

Mynychwyr arferol: Swyddog yr Iaith Gymraeg, Pwyllgor Gwaith UMCA

Daw unrhyw un sydd â diddordeb yn niwylliant Cymru ynghyd i drafod materion sy’n ymwneud â’r canlynol:

• Y Gymraeg, dwyieithrwydd a dysgu Cymraeg yn Aber
• Darpariaeth addysg uwch drwy gyfrwng y Gymraeg
• Digwyddiadau, dathliadau a gweithgareddau gwyliau yn Gymraeg
• Cymorth ac adnoddau cymunedol i fyfyrwyr Cymraeg eu hiaith a'u grwpiau fel UMCA

Mae’r Fforwm hwn ar gael yn ddwyieithog, os ydych chi’n dymuno cyfathrebu yn Gymraeg neu yn Saesneg mae croeso i chi ei fynychu.

Cadeirydd: Swyddog Materion Academaidd

Staff cynorthwyol: Cymorth a Chynrychiolaeth

Mynychwyr arferol: Cynrychiolwyr Athrofa, Cynrychiolwyr Academaidd, Pwyllgorau Cymdeithasau Academaidd

Mae'r Fforwm hwn yn ymwneud ag addysg gan gynnwys:

• Y system gynrychiolaeth academaidd
• Materion penodol sy'n ymwneud ag unrhyw beth o ddarlithoedd, cyrsiau, modiwlau neu hyd yn oed gynlluniau gradd
• Materion sy'n ymwneud â gwasanaethau fel llyfrgelloedd, gwasanaethau gwybodaeth neu offer ar-lein
• Newidiadau yn strwythurau, staff neu weithgareddau'r Brifysgol

Cadeirydd: Swyddog Llesiant

Staff cynorthwyol: Cymorth a Chynrychiolaeth

Mynychwyr arferol: Swyddogion Rhyddhad, Swyddogion Llesiant Clybiau/Cymdeithasau, Pwyllgorau Cymdeithasau Elusennol neu Lesiant

Mae'r Fforwm hwn yn ymdrin â phopeth sy’n ymwneud â llesiant gan gynnwys:

• Y cymorth sydd ar gael i fyfyrwyr trwy'r Undeb, y Brifysgol a darpariaeth iechyd lleol
• Problemau sy'n effeithio ar hygyrchedd ac iechyd corfforol ac iechyd meddwl myfyrwyr
• Ymgyrchoedd a chymorth i ddathlu a hyrwyddo amrywiaeth a chynhwysiant

Cadeirydd: Swyddog Cyfleoedd

Staff cynorthwyol: Cyfleoedd

Mynychwyr arferol: Pwyllgorau Clybiau Chwaraeon a Chymdeithasau

Mae’r Parth hwn yn cael ei rannu’n ddau (awr yr un i’r clybiau a’r cymdeithasau) a phan fo'n berthnasol mae'n trafod:

• Cymryd rhan mewn clwb neu gymdeithas a'r holl bethau sydd ynghlwm
• Grantiau, cyllid, hyfforddiant a chynrychiolaeth
• Materion sy’n ymwneud â chyfleusterau
• Digwyddiadau mawr fel y Rhyngolgampau, Superteams a Gwobrau
• Codi arian a gwirfoddoli