Ymgeiswyr

Iechyd meddwl a lles - Rwy’ am sicrhau bod myfyrwyr ÔR yn teimlo ein bod yn cael ein cefnogi'n ddigonol gan wasanaethau lles yn y brifysgol a bod staff yn deall pwysigrwydd sicrhau bod myfyrwyr yn gallu manteisio ar y gwasanaethau a'r adnoddau hyn yn hawdd.

Pryderon ariannol - drud yw bod yn fyfyriwr/wraig ÔR Credaf y dylem wybod sut i gael gafael ar gymorth ariannol hanfodol, cynnal gweithdai a gwybodaeth ar sut mae sicrhau yr arian perthnasol, a sicrhau bod staff yn gwybod sut i fynd at fyfyrwyr ac awgrymu’r adnoddau angenrheidiol pan fyddant yn wynebu rhent uchel, incwm isel, a’r costau posibl ynghlwm â’u cyrsiau.

Cynhwysiant ôl-raddedig - gall myfyrwyr ôl-raddedig deimlo fel nad oes fawr o ystyriaeth ohonynt yn narlun gwariant, cynllunio a chynhwysiant ehangach y Brifysgol, a chredaf fod angen i staff ystyried goblygiadau penderfyniadau ar bob grŵp o fyfyrwyr, yn enwedig o cofio sefyllfa ariannol bresennol Prifysgolion y DU.

Rhowch eich ymddiriedaeth yn nwylo Tristan am gynrychiolaeth ÔR weithgar a brwdfrydig fel Ymddiriedolwr ÔR!

Mae’r Undeb yn methu â chydnabod aberthau a wnaed gan 35ain Llywydd yr UDA, John F. Kennedy. Os caf fy ethol, rwy’n addo i ymrwymo mis Tachwedd 22ain yn ddiwrnod cofio Kennedy, a gorfodi’r Brifysgol i ostwng pob baner ar ei hanner y diwrnod hwnnw.

Diffyg cymryd rhan yn y broses ddemocrataidd. Fel y gwelaf, gellir a dylid gwneud mwy i ddenu mwy o fyfyrwyr i gymryd rhan yn y broses ddemocrataidd ym materion Undeb y Myfyrwyr. (A ellir dweud yn gwbl onest bod unrhyw un o’r ymgeiswyr eraill wedi gwneud ymdrech i wahodd Barack H. Obama i ddod a siarad am gymryd rhan mewn democratiaeth? a hynny oedd y peth CYNTAF i’m taro i.)

CADW’R LLYFRGELL AR AGOR AR BOB CYFRIF.

Yn eich calon, rydych chi’n gwybod fy mod i’n iawn.

Gwella Ymwybyddiaeth a Chymorth i Fyfyrwyr i helpu trechu rhwystrau y mae myfyrwyr yn eu hwynebu yn eu cyfnod yn y Brifysgol. Gwella Cyflogadwyedd Myfyrwyr trwy annog Cymdeithasau a Chlybiau Chwaraeon i feithrin sgiliau personol a theimlad o gymuned yn y Brifysgol. Cryfhau Llais y Myfyrwyr i sicrhau y clywir llais pob myfyriwr/wraig.

Hackett can hack it / Gall Hackett ei hacio

Dro ar ôl tro, rhoddir llety o ansawdd gwael i fyfyrwyr ond nhwythau sy’n cael eu beio am y diffyg ansawdd. Llwydni yn rhemp yn y tŷ? Agorwch ffenestr! Tŷ oer a drafftiog? Gwisgwch yn dwymach! Ddylem ni ddim fod yn gorfod dioddef yr amgylchiadau hyn dim mwy! Rwy’ am ddwyn landlordiaid yn atebol am y budreddi y maent yn ei orfodi arnom. Os nad yw’n amlwg, mae colled ariannol yn rhemp ar draws y sector addysg uwch. Mae hyn wedi dwyn sylw yn sgil y toriadau diweddar ar oriau agor y llyfrgell, colli swyddi, a chyhoeddi adroddiad ariannol y Brifysgol. Mae newidiadau ar y gweill, waeth a ydyn ni’n cytuno neu beidio, byddaf yn ymdrechu i sicrhau bod y Brifysgol yn onest a chlir yn ei phenderfyniadau. Lle unigryw gyda myfyrwyr unigryw yw Aberystwyth. Mae rhaid i ni sicrhau bod y Brifysgol yn cadw ar ben anghenion diweddaraf ei myfyrwyr, yn nhermau addysg ac yn gyffredinol.

Tra bo Will, bydd ewyllys.

1. Nid yw myfyrwyr yn elwa o botensial llawn gwasanaethau’r Brifysgol. Byddaf yn hyrwyddo perthynas gydweithredol buddiol rhwng Undeb Aber, y Gwasanaethau Myfyrwyr a BywydPres i feithrin rhwydwaith cymorth mwy datblygedig i fyfyrwyr. 2. Mae grwpiau rhyddid a Swyddogion Gwirfoddol yn wynebu rhwystrau rhag cyfathrebu a chymorth gan yr UM. Byddaf yn cefnogi Swyddogion Gwirfoddol a grwpiau rhyddhad yn well i gymryd rhan yn nigwyddiadau Undeb Aber a gwasanaethau. 3. Nid yw rhai heriau myfyrwyr unigryw ac amrywiol yn cael eu cynrychioli yn ddigonol mewn hyfforddiant ac arweiniad staff. Ni fanteisir ar yr hyfforddiant a’r arweiniad hyn neu mae wedi dyddio. Byddaf yn sicrhau bod adrannau prifysgol yn fwy amrywiol, gan gynnwys ymwybyddiaeth o drawma, iechyd meddwl, ac anabledd.

Pleidleisiwch dros Alex am les mwy cytbwys!

O'm profiad a gwrando ar straeon pobl eraill, y tri phrif fater sy'n effeithio ar fyfyrwyr yw: - ddim yn gwybod sut i ymdopi â straen a gorfeddwl; teimlo diffyg cyfleoedd i ddod ynghyd a dysgu sgiliau bywyd bob dydd - diffyg sgiliau cyllidebu ac arbed arian yn gyffredinol - tai a theimlo'n gyfforddus a bod yn hyderus wrth godi problemau gyda landlordiaid a heb wybod yr hawliau (tenantiaid a landlordiaid)

Mae'n bwysig i mi wneud pethau gydag angerdd ac mae'n well gen i broffesiynoldeb yn hytrach na pherffeithrwydd.

Rwy'n credu bod ystod o heriau y mae myfyrwyr yn eu hwynebu ond un sy’n hollbwysig i’w lles yn fy marn i yw'r diffyg gwybodaeth sydd ar gael ynghylch bwyta'n iach a sut i fwydo eu hunain pan fyddant ar eu pennau eu hunain am y tro cyntaf yn eu bywyd. Ochr yn ochr â hyn, rwy'n credu bod myfyrwyr yn llai ymwybodol o'r pethau sydd ar gael iddynt ac mae hyn yn arwain at beidio â manteisio ar y pethau a allai fod o les iddynt. Yn olaf, rwy'n credu bod angen i fyfyrwyr o gymunedau a ymyleiddiwyd gael mwy o gyfleoedd i feithrin cymunedau trwy ddigwyddiadau yn debyg i’r rheiny a gynhelir trwy gydol mis hanes LDHT.

Byw i’r Eithaf, Pleidleisiwch dros Liv - os caf fy ethol i'r swydd hon gennych fe wna’ i fy ngorau glas i sicrhau bod lles myfyrwyr yn cael ei flaenoriaethu yn y brifysgol

Cymuned gryfach, fwy cynhwysol Byddaf yn sicrhau cyfathrebu agored rhwng yr UM, y Swyddogion Gwirfoddol a chymdeithasau, gan roi llais i bawb a dilyn adborth yn dryloyw. Fy nod yw cyflwyno cynllun 'Ail Farn' i sicrhau bod eich ceisiadau'n cael eu hystyried o ddifri. Byddaf yn pwyso am ddigwyddiadau fel Super Teams, Varsity, a Sialens Aber i hyrwyddo cymdeithasu, lles a diddordebau newydd. Bydd cydweithio rhwng cymdeithasau yn cryfhau ein cymuned! Lles Amgylcheddol Byddaf yn gweithio gydag ymgyrchwyr a chymdeithasau amgylcheddol i drefnu mentrau fel gwestai gwenyn, uwchgylchu, a gwirfoddoli i roi rhywbeth yn ôl i'n hamgylchedd. Byddaf yn dadlau dros ddiweddaru polisïau amgylcheddol a sicrhau bod gan fyfyrwyr fodd o leisio eu pryderon. Trwy gryfhau cysylltiadau â sefydliadau allanol, gallwn greu newid parhaol i Aberystwyth wyrddach, iachach! Cyflogadwyedd a Grymuso Economaidd Byddaf yn ymdrechu dros fwy o gyfleoedd i ddatblygu’n broffesiynol, gan gynnwys Dysgu Gydol Oes, hyfforddiant cymorth cyntaf, interniaethau taledig, a thystysgrifau Gwobr Aber. Hefyd fel myfyriwr anabl, byddaf yn brwydro dros well fynediad at gymorth yn y gweithle a chyfle teg i bawb ffynnu!

Pleidleisiwch dros Miya Davies a Byddwch y Newid Rydych Chi Eisiau ei Weld: Dewn at ein gilydd ar gyfer Cymuned Gryfach, Grymuso Cyflogadwyedd, ac Aberystwyth Gwyrddach!

Mae'r argyfwng costau byw yn parhau i fod yn un o'r rhwystrau anoddaf mewn Addysg Uwch. Yn aml mae'n rhaid i fyfyrwyr gadw ar ben gofynion talu rhent, cyllidebu effeithiol a bwyta a phrynu dillad ochr yn ochr â'u baich gwaith academaidd sydd eisoes yn heriol. Gall y pwysau beri i’w haseiniadau/asesiadau ddioddef oherwydd bod goroesi yn llyncu eu holl egni.

Mae diogelu iechyd meddwl yn fater arall sy'n ymddangos i effeithio ar ryngweithiadau dyddiol myfyriwr gyda'i gyfoedion a'i ddarlithwyr oherwydd gall methu â chadw ar ben ffioedd dysgu (yn enwedig i fyfyrwyr a ariennir eu hunain) effeithio ar eu cymhelliant a'u gallu i gydweithio ag eraill ar brosiectau grŵp a chymdeithasu â grwpiau newydd o fyfyrwyr trwy gymdeithasau, gweithgareddau chwaraeon a gwirfoddoli.

Mae cefnogaeth i fyfyrwyr rhyngwladol a'u hintegreiddio â chymdeithasau a chwaraeon y brifysgol yn parhau i fod yn her. Mae'r gymuned myfyrwyr ryngwladol yn tyfu bob blwyddyn sy'n golygu mwy o sgyrsiau ar sut i wella integreiddio diwylliannau o fewn y brifysgol.

Rwyf wedi ymrwymo i chwyddo llais y myfyrwyr drwy 'basio'r meic', fel bod myfyrwyr yn teimlo, ac yn cael eu gweld a'u clywed.

Her sylweddol sy’n effeithio ar fyfyrwyr yw problemau iechyd meddwl Roedd 7.8% o fyfyrwyr y DU yn teimlo'n unig yn 2024 ac roedd 69%, canran syfrdanol, hefyd yn dioddef o iechyd meddwl gwael wrth ddysgu'r ystadegau hyn roeddwn i'n gwybod y byddai'r swydd hon yn berffaith i mi helpu annog mwy o fyfyrwyr i ymrwymo amser i gyfleoedd o gwmpas y brifysgol.

Mater pwysig arall yn fy marn i y mae myfyrwyr yn ei wynebu yw peidio â gwneud ffrindiau a chuddio. Mae 21% o fyfyrwyr yn ei gweld hi’n anodd gwneud ffrindiau ond trwy wneud mwy o gyfleoedd i'r myfyrwyr hyn deimlo'n fwy rhydd a chyfforddus, efallai y gallwn helpu myfyrwyr hyn i wneud ffrindiau oes.

Y mater olaf sydd, yn fy marn i, yn gwneud bywyd myfyrwyr yn anodd yw pwysau academaidd. Rwy'n credu ei bod yn bwysig canolbwyntio ar wneud gwaith ond hefyd meithrin diddordeb ac rwy'n credu efallai nad oes digon o gyfleoedd i fyfyrwyr feithrin yr hobïau hyn mewn prifysgolion felly drwy’r diffyg cyfleoedd hyn mewn prifysgolion mae myfyrwyr yn gorweithio felly trwy ychwanegu a chreu mwy o gyfleoedd i fyfyrwyr bydd yn helpu lleihau'r teimlad hwnnw o bwysau academaidd.

dylai myfyrwyr bleidleisio drosta’ i oherwydd byddaf bob amser yn brwydro i roi cyfle teg a chyfartal i fyfyrwyr Prifysgol Aberystwyth

Cyfathrebu rhwng yr Undeb a chymdeithasau/clybiau

Argaeledd adnoddau a'r argyfwng chwyddiant sydd ohoni

Cefnogaeth i gymdeithasau â lles a chydbwysedd gwaith a diddordebau

Dylai myfyrwyr bleidleisio drosta i gan mai llais drostynt nhw ydw’i. Byddaf o’u plaid nhw, yn dadlau er eu budd nhw.

Arwain

Yn ystod fy nghyfnod yn y brifysgol, rwyf wedi cyflawni sawl swydd fel pwyllgor. Y llynedd, cefais y fraint o wasanaethu fel llywydd cymdeithas a chlwb chwaraeon—dau gylch gwahanol iawn i’w gilydd sy'n gofyn am sgiliau arwain penodol. Yn y ddwy swydd, rwy’ wedi bod yn rhan annatod o drefnu digwyddiadau fel stondinau Ffair y Glas, digwyddiadau cymdeithasol, a chyngherddau. Mae'r cyfrifoldebau hyn yn gofyn am weledigaeth glir a'r gallu i arwain eraill i gyflawni eu potensial llawn.

Cyfathrebu

Mae cyfathrebu yn hollbwysig i swydd felly. Mae fy nghyfnod fel aelod pwyllgor wedi profi i mi bwysigrwydd nid yn unig siarad ond gwrando gweithredol. Mae cyfathrebu go iawn yn gofyn am feistroli'r ddau sgiliau hyn.

Angerdd

Rwy'n angerddol dros gynrychioli buddion myfyrwyr. Gweithio er eich budd chi fyddai’n fy arwain i fel y Swyddog Cyfleoedd. Fy nod yw cynrychioli buddiannau cymdeithasau a chlybiau chwaraeon. Gyda'n gilydd, ewn ni i’r afael â’r problemau sy'n ein hwynebu!

Cyfathrebu Rhwng Cymdeithasau Mae ein digwyddiadau ni ar eu gorau pan fyddwn ni’n gweithio ar y cyd! Trwy hyrwyddo trafodaethau rhwng cymdeithasau, gallwn greu mwy o ddigwyddiadau a chyfleoedd hwyliog i bawb, gan annog pobl i roi cynnig ar bethau newydd a chwrdd â mwy o bobl anhygoel yn ein Prifysgol!

Cyfleusterau Chwaraeon Mae swyddogion cynt yr Undeb wedi cyflawni cynnydd da o ran gwella cyfleusterau chwaraeon, ond mae'n rhaid i ni barhau â’r pwysau yma. Byddaf yn cyflawni hyn drwy weithio i ysgogi deialog gyda'r rhanddeiliaid amrywiol i sicrhau buddugoliaeth gyffredin sydd nid yn unig o fudd i fyfyrwyr, ond hefyd i bobl leol!

Cyfleusterau cerddoriaeth Mae cerddoriaeth yn rhan annatod o iechyd meddwl llawer o bobl. Fel Swyddog Cyfleoedd, byddwn yn ceisio ehangu ar argaeledd offer ac ystafelloedd ymarfer i helpu Cerddoriaeth i ffynnu yn Aberystwyth.

Sut gallwn ni wneud gwahaniaeth? Gyda’n gilydd!

Y tri phrif fater y mae myfyrwyr yn eu hwynebu yn aml yw:

Brwydrau iechyd meddwl: Gall cadw’r ddysgl yn wastad rhwng gwaith academaidd, bywyd personol, a phryderon am y dyfodol lethu person, gan beri straen, pryder, ac weithiau arwain at fyfyrwyr yn chwythu eu plwc.

Pryderon ariannol: Gyda chostau byw cynyddol a ffioedd dysgu, mae llawer o fyfyrwyr yn cael trafferth cael dau ben llinyn ynghyd, gyda’u ffocws a'u profiad cyffredinol yn dioddef yn ganlyniad.

Pwysau Academaidd: Gall cadw ar ben baich gwaith trwm, terfynau amser tynn, ac weithiau swyddi rhan-amser beri i fyfyrwyr deimlo dan bwysau a’u blino’n lân.

Pleidleisiwch drostaf i godi eich llais! Rwy’n angerddol, agos-atoch, gyda’r ysgogiad i fynd i’r afael ag iechyd meddwl, cyllid a phwysau academaidd — eich anghenion chi sydd bwysicaf:)

Gan fy mod yn frwd dros gysylltu myfyrwyr â'u diddordebau, byddaf yn eiriolwr cryf dros fyfyrwyr sy'n teimlo nad ydyn nhw'n cael eu gweld. Hoffwn i gyfrannu at y profiad myfyrwyr cyffredinol. Rwy’ am i bawb fwynhau Aber gymaint â fi yn y tair blynedd ddiwethaf. Bod yn llais dros bobl sy'n meddwl eu bod heb lais.

Rwy'n unigolyn eclectig sy'n dal i ddysgu bod yn nhw eu hunain, ond rwy'n ymfalchïo yn pwy ydw’i. Mae swydd fel Swyddog Cyfleoedd yn gofyn am rywun sy'n gyfforddus ac yn angerddol, rhywun fel fi.

Mater o bwys mawr i fyfyrwyr ar hyn o bryd yw eu bod yn teimlo'n unig. Mae iechyd meddwl yn effeithio ar bob un ohonom, mae codi llais yn beth anodd i'w wneud. Rhaid i fyfyrwyr gael eu clywed a’u gweld - a gwybod hynny. Mae angen i ni drafod Llais y Myfyrwyr, iechyd meddwl ac amrywiaeth.

Mae angen llais ar gymdeithasau cerddoriaeth a chelfyddydau yn ogystal â'r cymdeithasau llai ond tra’n sicrhau bod chwaraeon a chymdeithasau â llais. Ar ddiwedd y dydd rydyn ni i gyd yn gyfartal, ond hefyd yn unigol. Felly, rwy’ am wella profiad pob aelod o’r brifysgol o fod mewn cymdeithas.

Mae rhai myfyrwyr yn teimlo nad ydynt yn cael eu cynrychioli yn y ffordd y maent ei angen ar gyfer eu bywyd yn y brifysgol. Gweithio ochr yn ochr â’r swyddog materion academaidd er mwyn sicrhau bod profiad y myfyriwr cyfan yn deg ac yn hygyrch i bawb, y carfannau heb gynrychiolaeth ddigonol.

Dylech bleidleisio dros rywun sy'n hyderus gyda'i hun a rhywun sydd eisiau'r gorau i bawb. Y gorau i bob myfyriwr/wraig Mott am Fwy o Les.

Ar draws y brifysgol, rwy'n teimlo y byddai myfyrwyr yn elwa o fwy o gyfleoedd i ddatblygu; modd o ddarganfod ar beth hoffent arbenigo ar ôl graddio, fel darlithoedd gwadd, tripiau ac ymarferion nad ydynt yn gysylltiedig ag asesiadau. Nid ennill gradd yn unig yw’r pwrpas mynd i’r brifysgol, mae'n ymwneud â dysgu, a chymryd rhan yn y byd academaidd oherwydd ei fod yn ddiddorol, nid dim ond oherwydd bod yn rhaid i chi wneud hynny. Fel cynrychiolydd myfyrwyr ers tipyn, rwyf wedi gweld â’m llygaid fy hun sut mae'r system yn cael trafferth cynrychioli myfyrwyr yn iawn. Mae angen denu mwy o ddiddordeb gan fyfyrwyr wrth ddod yn gynrychiolwyr, ond hefyd o ran nifer y myfyrwyr sy'n rhoi adborth. Gellir gwella hyfforddiant i baratoi cynrychiolwyr yn well ar gyfer hyn. Mae cyfathrebu yn fater parhaus gyda'r Brifysgol. P'un ai dyma broblem oriau agor y llyfrgell yn ddiweddar, neu bethau fel amgylchiadau arbennig, mae'r mater yn parhau. Rwy’ am i’r brifysgol fod yn eglur ac yn uniongyrchol o ran yr hyn sydd ar droed, a chyfathrebu'n glir.

Bydd Abi yn dadlau drosoch chi fel swyddog materion academaidd!

Cyfathrebu gyda chynrychiolwyr academaidd: Gall Cynrychiolwyr Academaidd fod o fudd mawr ond weithiau, mae’n anodd eu hysgogi i weithredu. Fel rhywun sydd wedi bod ar y ddwy ochr, fel myfyriwr mae’n anodd cael gafael ar eich cynrychiolydd academaidd ar brydiau ac fel cynrychiolydd academaidd gall denu eich cyd-fyfyrwyr i gyfrannu fod yr un mor anodd. Sylfeini’r Brifysgol: Fel myfyriwr rhyngwladol ac er gwaethaf y ffaith i fi wneud cryn ymchwil cyn symud i’r DU, fe’i gwelais i hi’n anodd i ddeall sut mae Prifysgolion Prydain yn gweithredu. Er enghraifft, y system sgorio a pha raddau y dylid ymdrechu i’w hennill. Ar ben heriau megis hiraethu am gartref tra’n llywio gwahaniaethau diwylliannol, mae’n peri straen ychwanegol. Cymorth Astudio: Gall arfer i’r agwedd academaidd ar fywyd Prifysgol fod yn her. Ar ddechrau eu taith academaidd, mae pob myfyriwr/wraig yn profi cyfnod o ymaddasu, a gall fod yn un unig a digalon.

Byddaf yn gweithio'n galed i sicrhau bod profiad pob myfyriwr yn Aberystwyth yr un mor anhygoel â mi.

Fy nhair prif flaenoriaeth

Cynyddu cefnogaeth niwroamrywiol a’i gwneud hi’n haws i’r rheini sydd heb ddiagnosis i fanteisio ar gymorth oddi wrth y Brifysgol.

Dod ag oriau llyfrgell 24/7 yn ôl

Dadlau dros lais y myfyrwyr rhyngwladol a sicrhau eich bod chi’n teimlo eu bod yn cael eu clywed.

Pleidlais dros bawb yw pleidlais dros Lorraine!

Ymroddgar, gweithgar ac wedi rwymo i wella eich profiad academaidd!

Ers cyrraedd Aberystwyth yn 2022, dw i wedi trysori rôl gwerthfawr UMCA a diwylliant Cymraeg. Tra bo fy astudiaethau wedi fy nysgu am werth academaidd diwylliant Cymraeg, mae fy mhrofiadau personol a chymdeithasol y tu allan i ddarlithoedd wedi dysgu imi wir pwysigrwydd presenoldeb y Gymraeg a diwylliant Cymraeg i brofiadau cannoedd o fyfyrwyr yn Aberystwyth.

Yn ogystal ag ennill gwerthfawrogiad o’m profiadau fy hun, dw i wedi dod i adnabod aelodau UMCA a’u hanghenion dros y blynyddoedd a hynny nid yn unig o’m rôl fel Cadeirydd UMCA, ond hefyd drwy’r profiadau a digwyddiadau gwerthfawr y mae UMCA yn ei gynnig. Dw i hefyd wedi dysgu am berthynas UMCA â dysgwyr fel Swyddog Ail Iaith ac wedi ceisio datblygu’r defnydd o’r Gymraeg o fewn yr Undeb fel cynrychiolydd UMCA ar Senedd yr Undeb.

Un o’r problemau mwyaf cyfarwydd inni yw’r argyfwng costau byw sy’n effeithio ar ein bywydau personol, yn ogystal â’r brifysgol ehangach - boed yn ariannu adrannau’r brifysgol neu strwythurau’r Undeb ehangach a’r brifysgol. Mae hyn yn broblem a effeithiodd ar fyfyrwyr UMCA yn uniongyrchol yn sgil bygythiadau i rôl Llywydd UMCA fel swydd llawn amser.

Yn ffrwyth y broblem hon, un o’r materion pwysicaf arall yw llais myfyrwyr. Mewn Undeb ddemocrataidd sy’n gynrychioladol o’i holl fyfyrwyr, mae’n bwysig bod myfyrwyr yn teimlo bod eu barn fel myfyrwyr yn cael ei chlywed a’i deall.

Y mater olaf, a mwy personol i mi, fel myfyriwr presennol sy’n astudio a byw yn llwyr drwy gyfrwng y Gymraeg, yw darpariaeth addysg cyfrwng Cymraeg ac yn benodol, modiwlau Cymraeg. Rhaid sicrhau bod cyfleoedd i fyfyrwyr ffynnu yn academaidd i sicrhau dyfodol llewyrchus iddyn nhw eu hunain ond hefyd i’r Gymraeg yng Nghymru.

Mynnwch mai Nanw sydd nesaf er mwyn cael llais gref dros yr iaith Gymraeg a sicrhau bod hawliau’r Gymraeg ac UMCA yn cael eu gwarchod yn y dyfodol.

Costau byw, toriadau amrywiol ar draws y brifysgol a ffioedd dysgu

Trystiwch y plan, pleidleisiwch dros Fran

Mae costau byw yn broblem enfawr i'r rhan fwyaf o fyfyrwyr, sydd wedyn yn effeithio ar iechyd corfforol a meddyliol myfyrwyr, yn ogystal â materion sy'n berthnasol i'r swydd hon, megis prynwriaeth gynaliadwy a moesegol.

Rwy’n brofiadol, gwybodus, ac wedi ymrwymo i wneud newid cadarnhaol!

Rydym wedi gweld effaith costau byw ar sefydliadau hanfodol pwysig, megis prifysgolion. Fel aelod UMCA, gwelais botensial effaith y toriadau yma yn fygythiad i gymuned Gymreig y Brifysgol. Hefyd, mae effaith pwysau ariannol ar fyfyrwyr yn medru arwain at bryderon anferth. Mae’n rhaid i fyfyrwyr fod yn ymwybodol nad ydynt ar ben eu hun ac felly byddaf yn lleisio pryderon myfyrwyr ar eu gallu ariannol i barhau eu haddysg.

Ceisiaf wella’r ddarpariaeth i fyfyrwyr cyfrwng Cymraeg. Os yw’r Brifysgol wedi gaddo’r ddarpariaeth i astudio drwy’r Gymraeg, yna mi ddylent gadw at eu gair, a’u dal yn atebol. Dylai’r Brifysgol hefyd ddilyn safonau Comisiynydd y Gymraeg. Credaf y dylai bawb gael y cyfle i fod yn ddwyieithog.

Ceisiaf wella’r ddarpariaeth i fyfyrwyr cyfrwng Cymraeg. Os yw’r Brifysgol wedi gaddo’r ddarpariaeth i astudio drwy’r Gymraeg, yna mi ddylent gadw at eu gair, a’u dal yn atebol. Dylai’r Brifysgol hefyd ddilyn safonau Comisiynydd y Gymraeg. Credaf y dylai bawb gael y cyfle i fod yn ddwyieithog.

Mae’r llywodraeth wedi rhoi trafnidiaeth am ddim i oedolion dros 60 oherwydd bod ymwybyddiaeth am bryderon ariannol pensiynwyr. Mae’r egwyddor yr un fath i fyfyrwyr sy’n byw gyda chyfyngiadau ariannol.

Mi fyddaf yn blaenoriaethu lles myfyrwyr ac yn dal y Brifysgol yn atebol.  Rwy’n berson gweithgar, cydwybodol ac angerddol dros gyfiawnder. Rhowch eic

Ariannu eu haddysg.

Diffyg mynediad hawdd i wasanaethau iechyd meddwl

Pontio’r newid i’r gweithlu ar ôl graddio.

Os caf fy ethol, gallaf gynrychioli'r pryderon a'r materion sy'n wynebu myfyrwyr o wahanol gefndiroedd (Hŷn, Rhyngwladol, Asiaidd, LHDTCA+).

Mae rheoli cyllid yn bryder cyffredin ymhlith myfyrwyr yn Aberystwyth, ffioedd dysgu, talu am eu costau llety, a threuliau/cyllideb byw bob dydd. Mae gan y Brifysgol Dîm Cyngor ac Arian sy'n darparu cyngor a chefnogaeth i helpu myfyrwyr i frwydro yn erbyn yr heriau hyn.

Anawsterau sy'n gysylltiedig â'u cyrsiau, anawsterau aseiniadau, anableddau a materion iechyd.

Mae'r Brifysgol wedi ymrwymo i gefnogi myfyrwyr sy'n wynebu'r materion hyn.

Gall addasu i'r amgylchedd newydd ac addasu i fywyd prifysgol hefyd fod yn un o'r materion. Teimlo'n unig, yn anhapus neu'n teimlo dan straen, yn enwedig y rhai sy'n bell oddi cartref.

Mae'r brifysgol yn darparu ystod o gymorth iddynt ac yn rhoi ar ddeall iddynt eu bod mewn lle diogel ac amgylcheddau rhagorol.

Pleidleisiwch drostof i i ddod â chreadigrwydd, arweinyddiaeth ac angerdd i'ch profiad fel myfyriwr. Byddaf yn gwrando, yn eiriol, ac yn magu cymuned gefnogol, fywiog!

Digwyddiadau i'r lleiafrif, rwy'n gwybod bod cymdeithasau sy'n cynnal y digwyddiadau hyn ond rwy'n credu y dylid eu cynnal ar gyfer poblogaeth fyfyrwyr Prifysgol Aber gyfan fel y gall mwy o bobl ddod yn fwy agored eu meddwl a pharchu diwylliannau gwahanol. Ni allaf i ddim siarad ar ran myfyrwyr eraill ond roeddwn i'n teimlo'n unig pan ddes i i'r brifysgol am y tro cyntaf oherwydd mae hyn fel byd newydd i mi ac rwy'n sicr yn gwybod, efallai nid pawb, bod rhyw fyfyriwr sy'n teimlo'r un fath â mi. Y peth olaf yw'r pwysau ariannol, rydyn ni i gyd yn gwybod bod myfyrwyr rhyngwladol yn talu dwbl yr hyn y mae dinasyddion Prydain yn ei dalu ac mae'n rhaid i rai weithio sawl swydd dim ond i dalu eu ffioedd dysgu.

Rwy'n gwybod sut mae'n teimlo i fod yn 'ddieithryn' yma, byddaf yn brwydro dros fwy o gyfleoedd a chefnogaeth i fyfyrwyr rhyngwladol

Fel person, anabl, cwîar, a thraws o Gymru, rwy'n angerddol iawn dros hawliau ac ansawdd bywyd cwîar a thrawsryweddol; Yn enwedig ar gyfer myfyrwyr sydd angen cysylltu â'i gilydd. Rwy'n ceisio hwyluso'r cysylltiad hwnnw lle bynnag y gallaf, ac fel y Swyddog LHDTC rwy'n addo darparu'r cyfleoedd hyn i fyfyrwyr hen a newydd.

Ac fel rhywun sy'n ymfalchïo yn eu cymuned, gobeithio y byddaf yn gallu gweithio gyda phobl cwîar a thraws eraill yn Aberystwyth i feithrin cymuned fwy diogel sy’n codi ei llais.

Yr heriau y mae myfyrwyr yn eu hwynebu heddiw wrth gwrs yw y cynnydd mewn ffioedd a chostau dysgu, dirywiad adnoddau, ac unigedd. Mae'r adfyd o ddod o hyd i gymuned yn ystod cyfnod bregus lle rydym ni fel pobl cwîar ond yn dod yn fwy ac yn fwy agored i niwed yn rhywbeth y mae'n rhaid mynd i'r afael â thosturi yn fy marn i. Mae costau cynyddol, diffyg adnoddau, ac unigedd i gyd yn mynd law yn llaw ar draul myfyrwyr a phawb arall, a dyna pam rwy'n credu ei bod yn fwy angenrheidiol nag erioed i ymrwymo i feithrin cymuned a chefnogi ein gilydd.

Credaf ei bod yn bwysicach nag erioed ein bod ni fel pobl cwîar yn gweithio gyda'n gilydd ac yn datblygu ein cymuned gydag angerdd i feithrin mannau cefnogol.

Rwy'n credu bod amrywiaeth o heriau yn wynebu myfyrwyr ond diffyg cymuned yw un o'r rhai sy’n fy mhoeni fwyaf. Yn ogystal â hyn, efallai bod ar grwpiau rhyddid angen mwy o ymdrech i dynnu sylw at eu gweithgareddau gan fy mod yn credu nad yw llawer o fyfyrwyr yn ymwybodol o'r hyn y mae'r Undeb yn ei wneud a allai fod o ddiddordeb iddynt. Yn debyg i hyn, rwy'n credu y byddai mwy o ymwybyddiaeth o'r adnoddau sydd ar gael i fyfyrwyr sy'n ei chael hi'n anodd o fudd mawr.

Pleidleisiwch dros Liv i Fyw’n Dda – Rwy’ wedi bod wrth fy modd yn fy mlwyddyn fel swyddog y menywod a hoffwn barhau i weithio yn yr Undeb i wneud i fenywod deimlo'n ddiogel a’u bod yn cael eu gweld.

Rwy'n credu bod angen mwy o gymorth i addasu ar fyfyrwyr, mae'r brifysgol yn gwneud gwaith da ar hyn ond gall y newid o fyw gyda rhieni'n llawn amser gyda bywyd strwythuredig iawn i fod yn annibynnol a gorfod byw ar eich pen eich hun fod yn frawychus i bobl, dylai fod mwy o gyfleoedd y tu allan i gymdeithasau i wneud ffrindiau a dod o hyd i bobl sy'n gallu gwneud bywyd yn haws ar ôl symud.

Mater o bwys mawr i fyfyrwyr prifysgol yw straen arholiadau/pryder. Mae arholiadau ac aseiniadau prifysgol yn wahanol i'r hyn y bydd y rhan fwyaf o'r myfyrwyr wedi'i brofi o'r blaen yn eu haddysg ac er bod darlithwyr wedi cynnig rhywfaint o help ac mae rhai canllawiau ar-lein, nid yw'n helpu myfyrwyr cystal ag y gallai. Mae angen ffyrdd mwy effeithlon ac effeithiol o helpu myfyrwyr i oresgyn pryder arholiadau a chynnig y gefnogaeth sydd ei hangen.

O ran cymorth lles yn gyffredinol, tu hwnt i’r gwasanaethau cymorth myfyrwyr, nid oes fawr o sôn am iechyd meddwl a gall gael effaith fawr ar fyfyrwyr. Dylai fod mwy o ymwybyddiaeth ynghylch y pwnc.

Fel dau berson sydd â'n gwahanol anableddau ein hunain, rydym wedi wynebu llawer o heriau ar wahân i’n gilydd yn ein bywyd prifysgol. O gael trafferth gyda chymorth myfyrwyr, i sicrhau amser ychwanegol neu herio adrannau ynglŷn â pharatoadau arholiadau, rydym yn deall yr anawsterau y mae myfyrwyr anabl yn eu hwynebu oherwydd ein bod yn byw yr anawsterau hynny. Etholwch ni i gael dau gynrychioliadol a gweithgar o swyddogion anabledd.

Mae gan y ddau ohonom hefyd brofiadau gyda chefnogi a dadlau dros bobl ag anableddau y tu allan i brifysgolion.

Ein pum prif bolisi:

1. Sicrhau bod y campws yn hygyrch i bawb, waeth beth fo'u hanabledd neu’u nam, cynyddu ymwybyddiaeth am fannau hygyrch a llwybrau o amgylch y campws a'u bod yn cael eu cynnal

2. Gwell berthynas â’r gwasanaethau cymorth, gan sicrhau bod myfyrwyr yn cael gafael ar y cymorth sydd ei angen arnynt

3. Mwy o wybodaeth i'r rhai sydd ag anableddau tu mewn a thu allan o'r neuadd ddarlithio i'w helpu i fynd i'r afael â bywyd prifysgol, megis mapiau llwybrau hygyrch neu nosweithiau allan sy'n croesawu pobl anabl.

4. I fod yn ffynhonnell gyson o gymorth, gan gynnig cyngor ac ymladd dros sicrhau y cymorth y mae myfyrwyr anabl yn ei haeddu.

5. Sicrhau bod gan bawb lais cyfartal a'u bod yn gallu siarad allan a chael eu clywed

Anableddau gwahanol, profiadau gwahanol, yr un nodau

Rwy'n credu ei fod yn gymhleth, nid yw myfyrwyr yr un fath â’i gilydd. Yn yr hinsawdd economaidd sydd ohoni mae llawer o fyfyrwyr yn ei chael hi’n anodd yn ariannol, gan fyw ar ddeiet sy'n brin o’r y rhan fwyaf o lysiau a fitaminau oherwydd yn aml nid yw'n cael ei ystyried yn bwysig prynu cynnyrch drud aiff yn ddrwg mewn ychydig ddyddiau. Mae ymdeimlad o berthyn yn fater arall, mae llawer o fyfyrwyr yn brin o hyder yn eu galluoedd ac yn credu nad ydynt yn haeddu bod yma, mae hwn yn fater sy'n rhemp ymysg myfyrwyr anabl, gan arwain at gymaint o bobl yn rhoi'r gorau iddi heb wireddu eu potensial. Unigedd yw mater arall Gyda chymaint o gymdeithasau â ffocws cryf ar yfed, rhywbeth nad yw llawer eisiau ei wneud na gallu ei wneud, yn ogystal ag amrywiaeth o ffactorau eraill, mae llawer o fyfyrwyr yn teimlo'n unig ac ni allant ddod o hyd i'w pobl a all beri problemau iechyd meddwl ac ansefydlogrwydd academaidd.

Rwy am helpu pobl hyd eithaf fy ngallu, rwy'n deall yn dda iawn sut deimlad yw cael eich gwrthod.

Nid yw myfyrwyr traws ac anghydffurfiol eu rhywedd wedi cael digon o sylw na gofal gan y brifysgol, felly dyma pam rydym yn addo sicrhau bod man diogel dibynadwy a bywiog i bob myfyriwr/wraig cwîar. Ar hyn o bryd nid oes digon o gefnogaeth i fyfyrwyr trawsryweddol ac o rywedd anghydffurfiol. - Diffyg cymorth gan y brifysgol: e.e. diffyg cyfeirio myfyrwyr at wasanaethau cymorth yn ddigon cynnar ar eu taith yn y brifysgol. - Diffyg allgymorth cymunedol gweladwy: e.e. dim cyfryngau cymdeithasol, diffyg hysbysebu ar gyfer digwyddiadau. Diffyg mannau i gymdeithasu i leddfu unigedd gyda’r nos heblaw am yfed (gan gynnwys nosweithiau, penwythnosau, a gwyliau). - Ymestyn cefnogaeth yr ymgyrchoedd cynhwysiant rhywedd presennol e.e. anelu at ddarparu nwyddau mislif mewn ciwbiclau , ac ym mhob cyfleuster toiled ar draws campysau Aberystwyth.

Meithrin cymuned fyfyrwyr traws ac anghydffurfiol o ran rhywedd gryfach, mwy cefnogol a diogel.

Yn bersonol, credaf mai'r 3 mater pwysicaf sy'n effeithio ar fyfyrwyr trawsryweddol yn benodol yw:

Diffyg cyngor ar drawsnewid. Hoffwn sicrhau bod cyngor a chymorth mwy eglur ar gael, sef sut i gwblhau newid enw cyfreithiol ar y campws a thu hwnt, ble i ddechrau ar y broses o geisio Therapi Adfer Hormonau (HRT) neu lawdriniaeth gadarnhau rhywedd, cymorth i ddod allan, ac ati.

Gall chwilio am gyflogaeth fel unigolyn Traws/Anghydffurfiol o ran rhywedd fod yn anodd, hoffwn gyfathrebu â'r gwasanaeth gyrfaoedd i'w hannog i gynnig trywydd mwy croesawgar i fyfyrwyr traws, hybu gwybodaeth am drawsnewid yn y gweithle, sicrhau bod croeso i bobl draws yn y gweithle, ac ati.

Mae ynysu cymdeithasol yn fater mawr i unigolion trawsryweddol, yn enwedig y rhai sydd newydd symud i ffwrdd o'u rhwydwaith cymorth. Hoffwn gynnig rhwydwaith mwy hygyrch i'r rhai sy'n ei chael hi'n anodd gwybod bod llawer o bobl yn y brifysgol yn union fel nhw.

Byddaf yn cynnig llwyfan gadarn i leisiau myfyrwyr trawsryweddol gael eu clywed yn uchel ac yn glir. Mae angen i ni i gyd godi ein gilydd yn yr hinsawdd sydd ohoni.

- Sicrhau tai gydol y flwyddyn: Rwy'n teimlo bod hwn yn fater arbennig o bwysig yn enwedig o ran tenantiaethau Tai Preifat. Rwy'n credu y dylid hysbysebu’n fwy am Lety'r Haf a chymryd camau rhagarweiniol eraill i gefnogi myfyrwyr i gael hyd i lety drwy gydol y flwyddyn.

Cymorth a chyngor ar y cyfrifoldebau ychwanegol sydd gan fyfyrwyr annibynnol: Mae llawer o fyfyrwyr annibynnol yn teimlo'n ynysig o ran siarad am eu cyfrifoldebau gofalu a materion eraill sydd ganddynt yn eu bywydau personol. Ar gyfer fy ymgyrch fy mwriad yw sefydlu rhyw fath o grŵp lle gall unigolion drafod materion a chael help a chyngor.

- Cymorth Ariannol: Credaf ei bod yn hollbwysig bod mwy o gefnogaeth i’r rhan hon o’r boblogaeth fyfyrwyr. Credaf y dylid hysbysebu’n fwy i dynnu sylw at fwrsariaethau y gall myfyrwyr ymchwilio iddynt a gwybodaeth warantwr ar gyfer myfyrwyr nad oes ganddynt warantwr.

Y llynedd, sefais fel swyddog Annibynnol yr Undeb, lle ymchwiliais i lawer o broblemau y mae myfyrwyr Annibynnol yn eu hwynebu, eleni rwy'n gobeithio gwneud yr un peth.

Diffyg ymgysylltu â chynrychiolwyr, gan adael i faterion fynd heb sôn.

Torri cyllideb sy’n golygu tynnu modiwlau a chynlluniau gradd cyfan yn ôl.

Y strwythur 2 asesiad pob modiwl, sy’n rhoi llawer o bwysau ar bob asesiad.

Adnoddau/cymorth iechyd meddwl - oherwydd y straen mawr y mae graddau gwyddonol yn ei beri, credaf fod myfyrwyr yn fwy tebygol o ddioddef o broblemau iechyd meddwl fel iselder a gorbryder.

Proses newid o’r Brifysgol i’r byd gwaith - gan ein bod yn byw mewn tref fach, mae cyfleoedd i fyfyrwyr gael hyd i swydd berthnasol ar ôl graddio yn brinnach.

Cytbwyso bywyd a gwaith - yn enwedig pan ddaw adeg yr arholiadau, gall fod yn anodd dal y ddysgl yn wastad rhwng bywyd a gwaith sy’n gallu peri problemau iechyd meddwl ee chwythu eich plwc fel y soniwyd uchod.

Byddaf yn gwneud yn siŵr y caiff pawb ei glywed gan gyfadran yr adran berthnasol a bod ymdeimlad o berthyn gan bob myfyriwr/wraig ar eu cyrsiau.

Y tri phrif fater sy’n effeithio ar fyfyrwyr yw pwysau ariannol, heriau iechyd meddwl, a straen academaidd. Mae llawer o fyfyrwyr yn ei chael hi’n anodd gyda’r cynnydd mewn ffioedd dysgu, a chostau byw, gan amlaf yn cadw eu hastudiaethau yn gytbwys â sawl swydd - rwy’ wedi profi’r her hon yn bersonol. Mae anawsterau iechyd meddwl hefyd o bryder mawr, gyda llawer yn wynebu straen, gorbryder, ac unigedd. Mae’r amser aros hir am wasanaethau cymorth y Brifysgol a’r stigma ynghlwm â cheisio cymorth yn gallu gwneud troi at adnoddau iechyd meddwl yn anoddach fyth. Mater arall o bwys yw straen academaidd, gyda baich gwaith trwm, terfynau amser tynn, a phwysau i lwyddo gyda bywydau myfyrwyr yn dioddef yn ganlyniad. Gall dal y ddysgl yn wastad rhwng astudio, gwaith a bywyd personol fod yn ormod, gan arwain at lethu person. Mae mynd i'r afael â'r heriau hyn yn gofyn am well cefnogaeth ariannol, gwell mynediad at adnoddau iechyd meddwl, a pholisïau academaidd sy'n blaenoriaethu lles, hyblygrwydd a llwyddiant myfyrwyr mewn amgylchedd dysgu cefnogol.

Byddaf yn ehangu lleisiau myfyrwyr, yn pwyso am well cefnogaeth, ac yn gweithio i greu profiad prifysgol mwy cynhwysol, cefnogol a llwyddiannus i bawb.

Y gallu i gael gafael ar gymorth academaidd yw'r prif fater gan nad yw llawer o fyfyrwyr yn ymwybodol o adnoddau fel AberSkills. Nid yw llawer o fyfyrwyr chwaith yn ymwybodol o lyfrgellwyr pwnc, er enghraifft. Mae ansawdd yr adborth a'r addysgu yn fater arall o bwys mawr. Mae myfyrwyr yn teimlo bod addysgu'n amrywio rhwng darlithwyr ac mae marciau yn cael eu rhoi yn anghyson. Mae arholiadau ac aseiniadau yn faes arall sy'n peri pryder gan y gall fod problemau gydag eglurder yn enwedig pan fydd y fformat yn newid ar y funud olaf. Fel Swyddog Cyfadran y Dyniaethau, hoffwn edrych ar y materion hyn gyda staff a myfyrwyr i gyflawni unrhyw newidiadau angenrheidiol.

Fel cynrychiolydd academaidd, rwy’ wedi helpu i fynd i'r afael ag adborth myfyrwyr a dadlau dros anghenion. Rwy’ am wneud hyn ar raddfa fwy i wella profiad myfyrwyr.