Dewis Choice, Prifysgol Aberystwyth yn gwirfoddoli mewn parkrun ar gyfer Diwrnod y Rhuban Gwyn

Eventbrite

Mae Dewis Choice ym Mhrifysgol Aberystwyth yn trefnu i wirfoddoli mewn parkrun ar gyfer Diwrnod y Rhuban Gwyn - diwrnod i godi ymwybyddiaeth am drais tuag at fenywod a merched—a byddem wrth ein bodd pe baech yn helpu i wneud yr achlysur yn un arbennig! 

• Dim Profiad? Dim problem! Byddwn yn eich tywys bob cam o'r ffordd. 

• Ar ôl i chi gofrestru, bydd Cyfarwyddwr y Sesiwn Redeg yn eich helpu i ddewis rôl wirfoddol sy'n addas i chi. 

• Dewch i gwrdd â ni am 8:40yb i dynnu ffoto grŵp (dewisol) ac am sesiwn friffio diogelwch cyflym. Gwisgwch grys T gwyn os gallwch! 

• Ar ôl y sesiwn redeg, byddwn yn rhoi bananas i'r holl redwyr. 

• Ydych chi eisiau cerdded neu redeg yn lle hynny? Gallwch ymuno â ni yn eich crys T gwyn ar gyfer y ffoto grŵp Diwrnod y Rhuban Gwyn am 8:40yb, neu ddod draw erbyn 9yb ar gyfer dechrau’r sesiwn redeg. Mae'r sesiwn Rhedeg yn y Parc yn dechrau ar ben Rhodfa Plascrug ger y gatiau metel glas.  

• Boed yn gwirfoddoli, cerdded neu redeg - dewch â'ch ffrindiau, a gadewch i ni sicrhau ei fod yn fore i'w gofio! 

Os hoffech gefnogi'r digwyddiad hwn, rhannwch ef â rhywun a fyddai â diddordeb. Diolch yn fawr iawn. 

Cwestiynau Cyffredin 

1. Beth yw Diwrnod y Rhuban Gwyn?  
   Rhuban Gwyn yw elusen flaenllaw’r DU sy'n ymgysylltu â dynion a bechgyn i roi diwedd ar drais yn erbyn menywod a merched. Mae Diwrnod y Rhuban Gwyn ar ddydd Llun, 25 Tachwedd 2024, ac mae’n codi ymwybyddiaeth am atal trais ar sail rhywedd. 

2. Pa gymorth sydd ar gael?  Os ydych chi neu rywun rydych chi’n ei adnabod yn dioddef cam-drin domestig neu aflonyddu, mae cymorth ar gael: 

• Gwasanaeth Cam-drin Domestig Gorllewin Cymru: Llinell gymorth 24/7: 01970 625585 

• Byw Heb Ofn: Llinell Gymorth 24/7 Cymru Gyfan: 0808 8010 800 

• Myfyrwyr, Prifysgol Aberystwyth: Defnyddiwch y gwasanaeth Adrodd a Chymorth dienw: reportandsupport.aber.ac.uk 

• Staff, Prifysgol Aberystwyth - Cysylltwch â HR@aber.ac.uk 01970 628555

1. Beth yw parkrun a pwy all gymryd rhan? 
   Mae parkrun yn ddigwyddiad cymunedol am ddim lle gallwch gerdded, loncian, rhedeg neu wirfoddoli. Dysgwch fwy yn www.parkrun.org.uk. 

Mae croeso i bawb—staff, myfyrwyr, teulu, ffrindiau, a'r gymuned. Gallwch gerdded, loncian, rhedeg neu wirfoddoli. 

4. Sut mae'r digwyddiad hwn yn codi ymwybyddiaeth o drais yn erbyn menywod a merched?

Mae'r digwyddiad hwn yn dod â'r gymuned at ei gilydd, yn darparu gwybodaeth, ac yn dosbarthu rhubanau gwyn, symbol yn erbyn trais ar sail rhywedd.

1. Beth ddylwn i ei wisgo, a pham gwyn? 
   Rydym yn awgrymu gwisgo crys T gwyn (nid oes raid) ar gyfer y ffoto grŵp, sy'n symbol o undod i roi terfyn ar drais yn erbyn menywod a merched. Pe bai’n well gennych, gwisgwch ruban gwyn, y byddwn yn eu dosbarthu ar y diwrnod.