Cymorth Trais a Chamdriniaeth Rhywiol
Trais rhywiol yw’r term cyffredin sy’n cael ei ddefnyddio i ddisgrifio unrhyw weithred neu weithgaredd rhywiol nad oes ei eisiau, gan gynnwys trais, ymosodiadau rhywiol, cam-drin rhywiol, a llawer mwy.
Mae mynd i’r afael â phob math o drais yn un o’n blaenoriaethu pwysicaf a pharhaol. Rydym yn gweithio gyda’r Brifysgol gyda’r nod o sicrhau bod yna seiliau i wneud yn siwr bod myfyrwyr sy’n profi trais, ni waeth y fath, yn cael eu cefnogi – bu ffocws penodol yn y cyfnod hwn ar sicrhau bod cymorth ar gael i unrhyw un sydd wedi cael eu heffeithio gan drais rhywiol a/neu aflonyddwch yma yn ein cymuned.
Rydym yn awyddus i dynnu eich sylw at dri gwasanaeth/ymyrraeth bwysig rydym am i fyfyrwyr a staff fod yn ymwybodol ohonynt.
1. Gwasanaeth Cymorth Trais Rhywiol ac Aflonyddwch – i gydnabod yr angen am wasanaethau gweledol ac arbennig sy’n hawdd mynd atynt, mae Prifysgol Aberystwyth wedi creu tîm newydd o staff hyfforddedig o’r enw ‘Swyddogion Cyswllt Trais Rhywiol’ (SCTRh / SVLO). Mae sawl aelod staff sydd wedi cael hyfforddi ac yn gymwys i gynnig cymorth i fyfyrwyr sy’n profi trais a/neu aflonyddwch rhywiol, p’un ai’n ddiweddar neu’n y gorffennol yn gweithio ar draws y gwasanaethau myfyrwyr a ResLife. Byddant yn darparu gofal a chymorth eang, yn cynnig gwybodaeth a chefnogi myfyrwyr os ydynt yn cysylltu â phrosesau’r Brifysgol neu’r Heddlu, trafod addasiadau posibl i’w profiad dysgu a myfyrwyr gan gysylltu â chyfeirio’r myfyriwr at y gwasanaethau cymorth addas, er enghraifft ein Canolfan Gyfeirio Ymosodiad Rhywiol lleol (S. Sexual Assault Referral Centre). Gweler aber.ac.uk/cy/studentservices/sexual-violence/
Rydym eisiau i bob aelod o’r gymuned Aber deimlo’n hyderus yn ymateb i rywun sydd yn dod ymlaen ac yn chwilio am help a chymorth. Gyda hyn, mae’r Brifysgol yn parhau Hyfforddiant Ymateb Cyntaf i staff.
2. Adrodd a Chymorth – rydym eisiau sicrhau bod pob myfyriwr yn gallu rhoi gwybod i’r Brifysgol pan mae rhywbeth wedi digwydd iddynt neu i rywun arall, ar neu oddi ar y campws, yn ddiweddar neu’n y gorffennol a’i godi yn ddienw os dyna maent yn dymuno. Mae’r system Adrodd a Chymorth newydd, sydd bellach wedi cymryd lle y Ffurflen Urddas a Pharch ar-lein gynt. Dyma un ffordd mae myfyrwyr (a’u cefnogwyr – ee chi) yn gallu tynnu sylw’r Brifysgol at fater. Caiff yr adrodd wedyn ei rannu’n gyfrinachol gyda’r aelod staff neu wasanaeth mwyaf addas fel eu bod yn gallu cysylltu â’r myfyriwr a chynnig cymorth. Mae yna lawer o wybodaeth ddefnyddiol ynghylch bwlio, aflonyddu a thrais ar y wefan. Byddwn yn rhoi’r diweddaraf i chi wrth i ni ei datblygu ymhellach; gweler https://adroddachymorth.aber.ac.uk/
3. Cydsyniad Rhywiol – eleni rydym wedi gweithio’n agos gyda’n cydweithwyr ym Mhrifysgol Aberystwyth i gyflwyno adnodd Cydsyniad. Ymgyrchodd ein Cymuned Fyfyrwyr i gael yr adnodd hwn cyn y pandemig ac mae’n rhywbeth ein bod ni’n ei gefnogi. Cafodd yr adnodd ei ddatblygu gan Brook, yr Elusen Iechyd Rhywiol ac mae’n cael ei ddefnyddio gan nifer o brifysgolion. Byddwn yn annog i fyfyrwyr wneud defnydd o’r adnodd, sydd wedi’i roi ar wefan eu Bwrdd Du, o dan yr enw ‘Cydsyniad yw Popeth’ (S. Consent is everything).
Os ydych chi neu rywun rych chi’n ei nabod wedi profi trais neu gam-drin rhywiol, mae’n bwysig eich bod chi’n ymwybodol o’r Gwasanaethau Cymorth sydd ar gael i chi; maent yn cynnwys:
- Ymosodiad Rhywiol a Chamymddwyn Rhywiol - Atal a Chefnogi (https://www.aber.ac.uk/cy/studentservices/sexual-violence/) – mae gwybodaeth i'w chael am opsiynau ar gyfer goroeswyr a chyngor ar gyfer y rhai sy’n cefnogi ffrind sy’n oroeswr.
- Aflonyddwch a Chamymddwyn Rhywiol – Atal a Chefnogi (https://aber.ac.uk/cy/studentservices/aflonyddwchachamymddwynatalachefnogi/) - mae gwybodaeth i'w chael am opsiynau ar gyfer goroeswyr a chyngor ar gyfer y rhai sy’n cefnogi ffrind sy’n oroeswr.
- Adrodd + Chymorth (https://adroddachymorth.aber.ac.uk/) – mae’r ffurflen hon yn ffordd i chi roi gwybod i’r Brifysgol am unrhyw achosion o drais neu aflonyddwch rhywiol iddynt gael cynnig y cymorth sydd ei angen.
- Linell Gymorth Byw Heb Ofn (https://llyw.cymru/byw-heb-ofn) – dyma linell gymorth cenedlaethol sy’n cefnogi’r rhai sydd wedi’u heffeithio gan gam-drin domestig, trais rhywiol a/neu drais yn erbyn menywod. Mae’n rhad ac am ddim ac yn gweithredu 24/7 ar 0808 80 10 800
- Canolfan Gymorth Trais Canolbarth Cymru (RSC) (www.midwalesrsc.org.uk) – gwasanaeth cyfrinachol am ddim sy’n rhoi cwnsela arbennig a chymorth adfocatiaeth i’r rhai sydd wedi’u heffeithio gan drais neu gam-drin rhywiol.
- Bawso (https://bawso.org.uk/cy/) – elusen gwirfoddol yng Nghymru sy’n cynnig gwasanaethau arbennig i fenywod a phlant o gefndiroedd du a lleiafrifoedd ethnig sy’n ddigartref oherwydd cam-drin domestig, gan gynnwys pynciau fel priodasau dan orfod, anffurfio organau cenhedlu benywo (S. FGM female genital mutilation), a cham-drin ar sail ‘enw da’.
- Gwasanaeth Cam-drin Domestig Gorllewin Cymru (https://www.westwalesdas.org.uk/) – gwasanaeth cymorth cyfrinachol am ddim ar gyfer unrhyw sy’n profi neu ddioddef gan gam-drin domestig.
- Dyn Wales (https://www.dewis.wales/ResourceDirectory/ViewResource.aspx?id=741) – Llinell gymorth cyfrinachol am ddim sy’n cefnogi dynion sy’n cael eu cam-drin yng Nghymru.
Sut mae Gwasanaeth Cynghor Undeb Aber yn gallu cynnig help?
Mae Gwasanaeth Cynghor Undeb Aber yn annibynnol ar y Brifysgol ac yn cynnig gwasanaeth cyfrinachol a diduedd am ddim i holl fyfyrwyr Prifysgol Aberystwyth.
Mae’r Gwasanaeth Cynghori yn gallu eich helpu mewn sawl ffordd, sy’n cynnwys:
- Cynnig cyngor diduedd am eich sefyllfa.
- Eich cyfeirio at ddefnyddio gwasanaethau iechyd rhywiol lleol a sut.
- Dod gyda chi pan fo’n addas i unrhyw gyfarfod i roi cymorth a chynrychiolaeth.
- Adolygu unrhyw ddatganiadau drafft rydych chi’n paratoi a chynnig awgrymiadau.
- Eich helpu i roi tystiolaeth at ei gilydd i gefnogi eich achos.
Cysylltu  Chynghorydd
Dolenni defnyddiol
Cynhyrchwyd yn gyntaf: Tachwedd 2022
Adolygwyd: Awst 2024